I dag var me på utstilling og miljøtrente og sosialiserte litt der. Eg hadde vore hjå Krissi og rottisfrøknene hennar frå fredag til lørdag, og då Vetle kom og henta meg i ettermiddag, køyrde me rett til Orrehallen. Med ein gong eg tok Emil ut or bilen, gjekk han og snuste og var opptatt med det. Så såg han ein annan hund, og dermed starta hoppinga. Ganske rimeleg intenst også.
Me fekk kome oss ned til grasbanen, og der sette eg meg på huk, og han kom inn og sette seg ned. 
Etterkvart fekk me kome oss bortover mot inngongen, og han kikka oppmerksomt på alle hundane som gjekk forbi oss. Eit par stykker helste han på, deriblant eit par salukiar og to engelske bulldoggar og ein flat.
Då me skulle forsøke oss på å gå inn, blei han såpass berørt at eg ba Vetle bære han ei lita stund. Me fant oss eit stille hjørne (les: ikkje så mange andre hundar), og stilte oss opp der.
Her fekk han sitja eller stå og følge med på det som skjedde rundtomkring, og han såg ut til å slappe godt av etterkvart.
Mens me stod her, kom Anja og Malin gåande, så då fekk han helst på dei også :-) Flinke Malin som stod heilt i ro med ein nysgjerrig Emil like opp i andletet! :-) Kjekt med hundevante ungar, altså!!!!
Her ligg han, avslappa og interessert, og kikker på hundar og folk som passerer.
Rett før me skulle gå, kom Eivind, mannen til Ghita og helste på. Han stod for anledningen og solgte i stand for Agilityshopen i dag.
Me handla forresten ein del der i dag, og Emil fekk seg teppe, tennisball med pipelyd i, levergodbitar, ny svart sele, og eg fekk meg ein rosa gris som skal ligge i bilen min. Eg kallar jo bilen min Miss Pøggi (Peugeot Partner), og har rosa interiør pluss dei vakre rosa terningane Olaug laga til meg til bursdagen, så då må eg jo ha ein rosa gris på dashbordet, det seier seg sjølv :-)
Emil fekk prøvesmake tennisballen:
På veg heimover stoppa me ved Orrestranda så han fekk tisse og me fekk sett på havet.
Og så stoppa me ved Ragarvika mellom Orre- og Borestranda , sånn at Vetle fekk tatt litt bilder. Her kom også Emil ut i tilfelle han måtte tisse igjen.
Det var ganske sterk vind i dag, og sjøen gjekk - som me seier der eg er frå - kvit:
Ingen kommentarer:
Legg inn en kommentar