Innholdsrik tur.

Tok med meg Ayla, XL ball, snadderbitar, mp3 spelar og mobilen ( i tilfelle emergency) og rusla meg ein nesten to timar lang tur. Eg hadde kledd på meg litt for godt for vindstille og 6 grader, men det er deilig å vera ute utan å fryse! :-) Sjølv om eg egentlig helst ville krype oppi sofaen med boka med "Jenta som lekte med ilden" som eg fekk av Vetle i adventsgave.



Me traff ein mann med ei flat tispe og unngjekk såvidt reaksjon, så ein mann åleine - ingen reaksjon, så traff me ei jente med ein tiårig blandingshund som Ayla fekk helse på og leike med - gjekk heilt fint, så passerte me tre menn som dreiv og heiste ein båt på land - gjekk heilt fint. Så fekk eg klikka henne ut på ein tynn molo.



Ved båthuset heiv eg XL ballen bortover jordet, sånn at Ayla fekk søke etter den. Tre gonger. Så leikte me bølgeleiken ved stranda vår. Bølgene var veldig spennande i dag, for dei gjekk langt ut før dei skylte langt innover stranda igjen. Ayla var modig og vågde å gå ganske langt ut før bølgene snudde.



Så tutla me oss heim der Vetle hadde starta på middagen.

Eg sjekka tilfeldigvis mail og endte opp med å melde meg på nytt seminar... Det var altså Vetle som lokka meg til det.. *blush*

Det blir ein travel vår og forsommar! Phew! :-)